الراعي أبو محمد
سكان بيت حنينا
الأصل: لفتا
صوت الراديو: "إليوم احنا موجودين في قرية لفتا المهجرة في شمال غرب القدس هاي القرية هي إحدى قرى فلسطين الما زالت معالمها نوعاً ما واضحة هناك جزء من البيوت الما زالت موجوده باكملها متل ما هي ومتل ما تركوها أهلها عام 1948 لما أجبر أهلها على الرحيل.... اليوم قرية لفتا بتواجه مشروع استيطاني اسرائلي لتدمير ما تبقى منها تفاصيل منسمعها من العم محمد قرية عن لفتا الشكلت مثال نادر لقرى فلسطنية مهجرة والما زالت بيوتها موجوده..."
إنت بيت أهلك بتعرف وين؟
اا بيت سيدي
اا بيت سيدك, أنا بعرف يعقوب عوده
اا يعقوب عوده هان بعرف كل أهل البلد وكل دورأهل البلد يعني بقدريروح عالبيوت يقلك هاد لمين وهاد لمين
صوت الراديو بكمل
".....واراضيها ممتدة حتى أسوار مدينة القدس باب العمود وباب الزاهرة لا شك أن هذا القرية تمتعت في عز ومجد كبير في أثناء الفترة الأخيرة قبل الإحتلال الاسرائلي كانت البلد تعيش من ناحيه سياحيه و من ناحيه أثرية و دينية موفقة كل التوفق من باب أن الناس مسرورين من قربهم إلى المدنية لا شك إن هذه القرية تصل من حيث المساحة إلى 13،000 أساس السكان فيها ما لا يقل عن 4000 انسان دونم كانت تعتاش على الأغنام على الزراعة على التجارة مع القدس...."
الراعي الصغير زكريا
إبن أبو محمد
"أورجيك فيديو تيك توك وانا بشرب الماعز مي"
الراعي أبو محمد
سكان بيت حنينا
الأصل: بيت حنينا
"هاي المغارة عمرها أكتر من 5000 سنة، كلها قصارة طلع منظرها كيف، هدا الشيد إذا بتخبطه بنكبع شوف كيف، بشبهوا مغارات بيت جبرين الناس فاحرينها هيك، هون أكيد إذا منقيم التراب بطلع كتير أغمق"
الراعي أبو السعيد
سكان شعفاط
الأصل: شعفاط
: "إنت لاحظي فال-48 كل القرى مساكين التهجروا وهربوا أغلبيتهم لحد الأن تركوا وراهم مش بس دور تركوا وراهم سناسل تركوا وراهم شجر تركوا وراهم بيار تركوا وراهم مساكين كل الفلتوهم بال-48 قبل 37 سنة العرب الطلعوا من قلونيا من بيت زايت من لفتا من عين كارم كل القرى العربية التهجروا كله لحد الأن ياحرام مساكين"
أم شاكر عبدالله
سكان بيت حنينا
الأصل: قرية بيت حنينا
"بلدتي الحبيبة اين انت اين ذهبت هل سافرتي وهاجرتي الى العالم الجديد ام تراك اخذت غفوة في حضن الزمن الغريب؟
اين ملاعب الطفولة وحقول البرقوق? اين رائحة المشمش العطرة واين الزرع والطرقات تمتليء الغادين والرائحين الى قطف الزيتون ومشاوير العنب والتين? اين جمعات العجائز وافراح الورود في بيادر القرية ورقصات الصبايا شوعاني وشمالي? اين الدبكات والسحجة? والوان السهر تحت ضوء القمر في ليالي الصيف.
او رائحة التراب بعد اول مرشاق في اواخر الصيف, اين جمعات الصبية يلعبون لعبة الجلول او يركضون خلف باص القرية الوحيد? او بنات يلعبن بدمى من صنعهن من قماش قديم.
هل كل هذا اصبح اندلس اخرى ولكن في مكان قريب؟"
من مذكرات مشية ١٢
٨ نيسان ٢٠٢٣
"المشهد كان كانه الراعي طالع من عالم موازي لعالم مش عالمه و محيط بشبهوش، وقفنا نحكي معه و شرحلنا كيف و قديش صار صعب يجي مع اغنامه البطل الهم محل يرعاهم، كيف جدار الفصل حد من حركته و تنقله بين الاراضي الكان متعود يستعملهم للرعي و كيف اليوم هو محدود و مهنته عم تنقرض بسبب شح الاراضي و الامكانيات لتربية المواشي، البيئة الجديدة بطلت تستقبله و صارت غريبة."